အာဇာနည် ကိုးဦး
အာဇာနည်များ ကြွေရရှာ
နယ်ချဲ့စနစ်ပါ
ဂဠုန်စောဟာ ရာထူးမက်
အသားထဲက လောက်ကောင်ထွက်
မျိုးဖျက် ပြည်ဖျက် ဦးဂဠုန်
မိုက်လုံးကြီးခဲ့ပုံ
အမျိုးဂုဏ် သူမထောက်
နယ်ချဲ့ကျွန်သဘောက်
ကျွန်သဘောက်ကို အဆုံးစီရင်
မြန်မာ့သမိုင်းတွင်
အမဲစက်ထင် ဖျက်မရ
အာဇာနည်ကြီး ကိုးဦး ကျ။ ။
အာဇာနည်၊ အာဇာနည်
ကိုးဦး အာဇာနည်
အောင်ဆန်း ဇာနည် တစ်လို့မှတ်
တို့များ မမေ့အပ်။
မမေ့အပ်တဲ့ ဗိုလ်ချုပ် အကို
ဦးဘဝင်း ကိုနှစ်လို့ဆို။
စဝ်စံထွန်း ကို သုံးလို့ထား
မိုင်းပွန်တို့ စော်ဘွား။
သခင်မြ ကို လေး မှတ်ပါ
မန်းဘခိုင် ကို ငါး လို့မှတ်။
ခြောက်က ဦးရာဇတ်။
ခုနှစ် လို့ဘဲ ဒို့ဆိုလို
ဒီးဒုတ် ဦးဘချို။
ဦးအုန်းမောင်ကို ရှစ်လို့ရေး
ကိုးက ရဲဘော်ထွေး
သွေးအိုင်ထဲမှာ ကြွေရရှာ
အာဇာနည်ကြီး ကိုဦးပါ။
မြန်မာပြည်ဟာ ကျွန်နံ့ဝေး
အာဇာနည်များ သွေးနဲ့ဆေး။
ဘာမထီ အောင်ဆန်းဇာနည်
လွတ်လပ်ရေးရဲ့ ဖခင်သည်
ဗိုလ်ချုပ် အာဇာနည်
ဗိုလ်ချုပ်ရဲ့ မွေးဋ္ဌာနီ
နတ်မောက်မြို့ ခေါ်သည်
ရှေ့နေ ဦးဖာ၊ ဒေါ်စု ရယ်
ဗိုလ်ချုပ် မိဘကွယ်
၁၉၁၅ ဖေဖေါ်ဝါရီလ မှာသူမွေးဖွား
ငယ်စဉ် ကတည်းက မျိုးချစ်စိတ်
ဗိုလ်မင်းရောင် နဲ့ တူတဲ့စိတ်
အပြောပြတ်၍ လုပ်ရပ်ပြတ်တာ
ဒို့ဗိုလ်ချုပ်ရဲ့ လုပ်ရပ်ပါ။
အဆောင်အယောင် အခမ်းအနားကို
သူမုန်းတယ်။
ရာထူးစည်းစိမ် ငွေမမက်မှု
ဒို့ဗိုလ်ချုပ်ရဲ့ ရိုးသားမှု
အစိုးရဖွဲ့စည်းရေးကို အဓိကမထား
နိုင်ငံ့လွတ်လပ်ရေး ကိုအလေးထား
တိုင်းပြည် အတွက်ဆို
ရဲဝင့်စွာ အသက်စွန့်ခဲ့တဲ့
အာဇာနည်ပါ
မိခင်တိုင်းပြည် လွတ်လပ်ကြောင်း
ပေးဆပ်ခဲ့တဲ့ သူရဲကောင်း။ ။
လေးတန်းအရွယ် တူမကလေး ရွတ်ဆိုနေသံကို ကြားမိပြီး နှစ်သက်၍ အများသိနိုင် ခံစားနိုင်ရန် မျှဝေလိုက်ခြင်းဖြစ်သည်။ အမျိုးမြတ် အာဇာနည် တွေအကြောင်း ကလေးငယ်လေးတွေ သိရှိနားလည်အောင်၊ စိတ်ဝင်စားနိုင်အောင် ရေးဖွဲ့သီကုံးပေးသော ဆရာ၊ ဆရာမ တွေလည်းလေးစားမိပါတယ်။ ကလေး ကဗျာ ကောင်းလေးများ ပေါ်ပေါက်ပြီး အာဇာနည် သူရဲကောင်းတွေကို လေးစားကြည်ညို စိတ်ပေါ်ပေါက်ပါစေလို့ ဆန္ဒပြုရင်း။။။။။
အိုမိုဒ မိုချိ (မိုး)
၂၇. ဇွန်လ.၂၀၁၀
အမျိုးသား ခေါင်းဆောင်ကြီး ဗိုလ်ချုပ်အောင်ဆန်း နှင့် အာဇာနည်သူရဲကောင်း များကို လေးစားကြည်ညိုသောအားဖြင့် ဘလော့ခ်ဂါ ဒီမိုဝေယံ၊ ရွှေကျောင်းသား၊ အလင်းဆက် နှင့် ခမိခဆဲ တို့မှစီစဉ်ပါသည်။။
No comments:
Post a Comment